First Fantasy - 純文字浪漫之作

森の浪人去旅行 #5 前言： 之前喺Instagram出咗個poll，叫大家投票最鍾意邊個角色。不過我喺度要同Greta道歉，因為其實第四集只係出咗佢個名，完全無其他資料畀大家參考。而家加出第五集（浪漫版），等大家可以了解Greta多啲，然後再投一次票(Poll喺Patreon，免login投票) 。 第四集之後，第一集嘅《The Romance Show》都已經出咗街，第一集嘅嘉賓係喺故事入面飾演Chiara嘅Vittoria。大家可以先去了解多啲Chiara呢個角色。 建議大家睇咗《The Romance Show》 第一集，再睇第五集（浪漫版），然後先投票。多謝各位支持廣東話創作。 關於第五集，浪漫版會率先喺度publish，發洩版亦會即將推出。敬請期待。 正文： 根據Chiara啱啱喺去餐廳路上嘅簡單介紹，Greta其實都係佢同事，屬另一組嘅model，不過佢喺今日之前嗰場已經出咗show。佢哋兩個都有一排無見面，撞啱今日大家都喺佛羅倫斯做嘢，所以約出嚟聚下。 咁講嘅話，Greta都係原裝正版意大利fashion model。呢種幻想，喺當我見到佢真人之後一樣無令我失望。Greta同Chiara差唔多高，一身輕便嘅裝束，頭上戴住深紅色嘅頭布，將一大把長頭髮向後全推，頭布遮住頭頂同部份前額嘅打扮，無扎馬尾。攞住個手袋仔就行咗過嚟。 Greta見到我，唔洗開口，Chiara就幫我哋互相介紹，然後又對Greta講：頭先單嘢 好彩有佢。 然後，兩位女士突然細聲交頭接耳咗幾句， Greta就擺出一個非常驚訝嘅樣，左手伸出兩隻手指，右手揞口。 好明顯，Chiara係同Greta講我今日救咗佢兩次嘅事。不過，對於我嚟講，所謂「救咗佢兩次」其實都只係意外。 奇怪嘅係，如果講開心、受惠，最多都只係Chiara一個，我完全唔明點解連Greta都開心成咁。或者係意大利人嘅性格？我就唯有保持唔失禮嘅微笑，樂意接受佢哋嘅「感激」。 我哋三個喺餐廳坐低。 對於呢一餐免費餐，Chiara同Greta睇嚟都有晒計劃，除咗每人一個full set之外，佢哋仲不斷介紹我最高質嘅菜式組合。一向對意大利菜只流於pizza、pasta認識嘅我，今日就學習到佢哋對牛肉嘅講夠。 至於話題方面，佢哋由坐低開始就一直講佢哋工作嘅嘢，我完全跟唔到佢哋嘅內容，有啲畀佢哋ignore咗嘅感覺。 不過，既然佢哋都好...

Travel with Mori #1 As a Hong Kong painter, it is good to have an art trip in Europe alone. With travelling such a long way, I aim at the several famous art museums this time, and now, I am on the train from Rome to Florence. It is not my first time in Italy. However, I am the same as the other Hong Kong children, who may travel a lot in childhood with the solely entertaining mood, and when we grew up, we found that we actually missed a lot in those travelling times. A second visit is a must when we are adults. One can focus on what one wants to see and visit when travelling alone. While I am enjoying a cup of coffee on the train in this me-time moment, a head of whom moves toward me. I search for what the hell of this head instantly, and this is a lady's head. Although that is good to travel in Europe, I heard about the pickpocketings in some famous tourist attractions in Europe. Therefore, I was much alerted whenever someone approaches me, particularly in the weird case of someth...

森の浪人去旅行 #2 前言：成個故事已經寫好，希望大家多支持，更加希望加強版可以面世。睇完，留個言，鍾意、唔鍾意都得。 雖然有啲晏，但仲趕得切去嚟個快嘅 聖母百花大教堂遊覽。 我當然唔係咩宗教或者宗教藝術嘅專家，但係喺香港長大嘅我，多少對歐洲嘅宗教有啲認識，加上歐洲嘅宗教藝術從來都畀到藝術家唔少啟發，短短一遊，已經令我覺得獲益良多。 就喺啱啱行出 聖母百花大教堂嘅時候，我嘅手機就傳嚟Chiara嘅WhatsApp message。佢果然send 咗e-ticket過嚟，仲send埋google map 嘅場地位置，最重要嘅係，佢仲send 咗一個 Hi 畀我。 我：Thank you, 啱啱參觀完 聖母百花大教堂。 Chiara：Good ! Enjoy ! 場地唔喺嗰面，你坐輕鐵啦，幾個站就到。 其實好想即刻再約Chiara出嚟，不過又好似好唐突。就算我叫做有恩於佢，都唔等於大家真係咁熟。轉頭喺會場見到佢嘅話可能都只係打個招呼，話晒佢其實係喺度做緊嘢嘅，我又唔係咩時裝界嘅人，點都唔方便黐到咁埋。我諗，陣間都係 當觀摩下fashion show 就算好喇。算啦，一面之緣，唔好諗太多。 Google map都建議我搭輕鐵去，但係由呢個位沿路行返去輕鐵站好似有啲遠，睇下有無邊條小路可以行得快啲先。 搵咗一陣，果然有條小路可以慳啲時間。 我跟住Google map嘅指示行，相信唔洗二十分鐘就到。 呢個時候， 一個黑影突然向我撲過嚟，我第一個反應以為係有人要搶我嘢，點知個黑影唔單止唔係搶嘢，仲夾住咗我隻右手手臂。 呢個夾住我手臂嘅人夾住我行咗幾步，就開口同我講嘢， 原來係一位意大利女士。 女士：我 畀人跟，請你幫我一下，快啲離開呢度。 同今朝喺火車遇到Chiara嘅時候一樣，我第一個反應都係 警剔呢個係有計劃嘅偷嘢把戲。佢貼都咁，可能已經可以偷到褲袋、衫袋嘅嘢。 呢個距離，我只可以留意到佢係一位短髮嘅女士。除此之外，我根本睇唔清楚佢個樣，唯有極力搵下佢嘅其他特徵，恐防之後 有啲咩事，我都可以有個線索。 如果如佢所講，佢係畀人跟，咁即係佢想同我假扮識得...唔係， 呢個女士嘅身體實質上已經緊貼住我嘅手臂，佢應該係要同我扮係情侶， 嚇走跟佢嘅人。的確，只有情侶先會以咁嘅方式貼住喺街上面行 。 由我而家嘅角度望向呢位女士， 我留意到佢嘅前臂有啲好似紅斑、紅點喺度。 我當然唔知係咩...

森の浪人去旅行 #4 前言：希望已經睇緊故事嘅朋友多多留言，以及follow。唔該，想聽大家嘅意見。唔該。 雖然有得再見到Chiara，不過聽落好似有啲事咁。 我喺門口等咗一陣，一位意大利女士就向我嘅方向行過嚟。 呢位女士雖然無扎到馬尾，我都 認得返佢就係Chiara，因為佢已經換返今日我見到佢嘅時候嘅衣著。 本來可以再見到Chiara係開心嘅，但跟住佢一齊出嚟嘅竟然係一位男士。 第一眼，我以為佢係Chiara男朋友或者老公之類，出嚟打個招呼，再唔係就繼續想因為行李嘅事出嚟多謝下我。我就覺得唔洗喇，唔想見到你有男人啊。不過，佢哋畀我啲感覺唔係咁，最多只係同事。 Chiara：多謝你有影到我啊。 我：唔多謝啦，咁靚嘅衫，係人都想影低。 我唔知自己講緊乜。 Chiara又講：你影得好好啊。我想問， 可唔可以用張相畀我呢位同事做啲嘢啊？ 果然，佢哋只係同事。至於「做啲嘢」？睇嚟係想用我張相做啲可能係宣傳之類？唔會掛，我張相邊有咁巴閉啊。 對我嚟講，呢張相其實影得好差，如果佢地有用，我當然都無咩所為。 正當我打算開口答應嘅時候，呢位男士睇嚟有啲心急，驚我唔肯答應，於是搶先開口，伸手同我握手：我叫Mario。 我都禮貌回佢： 我叫Mori。 唉，呢個時候我先發現，我都未同Chiara介紹過自己。之前實在以為大家只係朋友都不如嘅關係，都無諗過會需要介紹自己。 Mario又講：我哋會有報酬畀返你嘅。 Mario隨即攞出 一張餐廳劵，講：呢間係呢度有名嘅餐廳，菜式比較地道，無咩遊客會去嘅，環境同食物都相當好，我哋fashion show嘅設計師都會去，或者 Chiara之後可以再介紹下。咁如果你答應畀我哋用你張相嘅話，不如就勉強收咗我哋小小心意 ， 等Chiara同你都可以去食個晚飯，休息下啦。 同Chiara食個晚飯？咁大個offer？我即刻想答應。 點知Chiara呢個時候好嬲咁插嘴：你 唔好答應佢住啊！ Chiara搶咗Mario嘅餐廳劵嚟睇，又話：呢間嘅話都算你有誠意。 又問我： 你有無時間食飯先？ 其實就算無，我呢個時候都會答：有啊。 Chiara：咁你feel good 嘅話就答應佢啦。 Mario見到Chiara嘅講法，擺明畀面色佢睇，特登要為難下佢。 我：其實都唔錯啊，咁好啦，多謝你嘅offer。 我仲以為Chiara轉身就會要咗張餐廳劵，點知Chiara對男士講：...

森の浪人去旅行 #3 前言：希望已經睇緊故事嘅朋友多多留言，以及follow。唔該，想聽大家嘅意見。唔該。 我畀Tania𡃶咗一啖，回神過嚟嘅時候輕鐵已經開咗車。 雖然我本來就係諗住要搭輕鐵嘅，但係其實我仲未攪清楚自己要搭邊條線、邊個方向、去邊個站、搭幾耐，突然間畀Tania夾咗上車，完全唔知自己而家到底去緊邊。 我即刻check下手機，於是又過咗一個站。 到我可以確定到自己嘅位置，同埋要點樣先可以去到Chiara嘅fashion show會場嘅時候，我先發現原來我根本就係要喺Tania 落車嗰個站落車就可以去到fashion show會場。 咁即係話，早知頭先同Tania一齊落埋車啦，如果係咁或者可以同Tania仲有少少下文。 不過我又諗，就同Chiara一樣，大家其實唔係咁熟，都係自己諗多咗。去旅行有時就係有好多呢啲Fantasy出現，真係要小心啲先得。事實係，只係我去緊旅行，對於Chiara同Tania嚟講，今日都只係平日。我做多咗，只會柒出宇宙。 我落咗車，去返對面月台搭返回頭車返去。返到去Tania落車嗰個站嘅時候，當然已經唔見Tania，唯有繼續摸去fashion show會場嘅路。 會場嘅路其實唔算難搵，只係路程比較遠，行咗二十分鐘就喺一幢古建築外場見到fashion show 嘅banner，再行過兩步就已經係入口。 E-ticket 果然令我可以直入會場。 入到會場，燈光較暗，最光亮嘅燈都只係為咗照住會場中間仍然空洞嘅Fashion show天橋。呢種場景，就算無嚟過fashion show現場嘅人，相信都可以喺電視或者其他媒體上面見過，一啲都唔陌生。 當然，現場人士走來走去，又交頭接耳，令人想像一陣嘅fashion show 開始之後，場面一定好壯觀。 我一個Fashion嘅門外漢入到嚟會場，一個人都唔識，實在係有啲尷尬。我極力嘗識搵下見唔見Chiara，不過都無發現。有好幾次見到幾個女士，差啲誤會咗係佢。無錯，其實我見Chiara嘅時間都唔係咁耐，腦海淨係記住佢馬尾嘅髮型，以及極吸引嘅身材，當然仲有佢緊貼我膊頭嘅一下，但喺眼前微弱嘅燈光之下，會場大量意大利女士，實在令我認唔到邊個先係Chiara，我甚至認為我已經唔記得佢係咩樣。再加上頭先又畀Tania，呢個另一位靚女洗咗我嘅記憶，我諗我都係必需要放棄喺度可以認出Chiara嘅諗法。 真係希望...

Travel with Mori - Introduction Travel with Mori  is the same genre as The Plain Text Outlet Story. The difference is The Plain Text Romantic Story is picked as the series name because it can help to adjust the popularity of it. If you have read  The Plain Text Outlet Story, I believe you could understand that was a story for minority. This  The Plain Text Romantic Story  is expected to be a popular work. However, if the audience react great and are more interested the story than expected, it is possible to recreate the story in Outlet style. If there is an Outlet  style, it is also possible to include some paintings in the story. Will this happen ? it depends on the reaction you give.  The Plain Text Romantic Story  is a first person perspective story because it can help adjusting the popularity and reduce the amount of picking up different angles of characters. The mainline of the story is confirmed with adjusted length of the whole story, the writin...