森の浪人去旅行 - 故事簡介

森の浪人去旅行 - 故事簡介

《森の浪人去旅行》可以話係屬之前《純文字發洩之作》嘅同類作品。唔同嘅地方在於今次用咗《純文字浪漫之作》嘅名，目的係為作調整內容赤度。如果大家有睇過《純文字發洩之作》，相信大家都知道係比較小眾嘅作品，今次《純文字浪漫之作》就希望可以寫得普及一啲。當然，如果見到反應熱烈，又有相當嘅小眾人士對呢次嘅故事有興趣，我係會考慮出一個加強版嘅。如果要出加強版，當然亦會考慮加入插畫。到底會否成事？咁就要視乎大家嘅反應程度喇。

《純文字浪漫之作》係一個以第一身角度出發嘅故事，原因都係為咗調節赤度，減少要處理不同角色嘅反應。今次嘅作品主線已經寫好，而且故事長度已調整，相信亦可以減低寫作負擔。

有一點要講嘅係，故事係以香港人歐遊為背景。關於要處理嘅不同語言問題，喺呢個故事入面會全部使用廣東話。至於某啲角色或情節實質係使用其他語言嘅話，有需要嘅時候故事自然會講清楚。主角本身就可以同非廣東話用語嘅人溝通。

仲洗唔洗講「本故事純屬虛構」呢？唔好咁啦，故事從來都係虛構㗎啦。


Comments

Post a Comment

Popular posts from this blog

森の浪人去旅行 #2

森の浪人去旅行 #2 前言：成個故事已經寫好，希望大家多支持，更加希望加強版可以面世。睇完，留個言，鍾意、唔鍾意都得。 雖然有啲晏，但仲趕得切去嚟個快嘅 聖母百花大教堂遊覽。 我當然唔係咩宗教或者宗教藝術嘅專家，但係喺香港長大嘅我，多少對歐洲嘅宗教有啲認識，加上歐洲嘅宗教藝術從來都畀到藝術家唔少啟發，短短一遊，已經令我覺得獲益良多。 就喺啱啱行出 聖母百花大教堂嘅時候，我嘅手機就傳嚟Chiara嘅WhatsApp message。佢果然send 咗e-ticket過嚟，仲send埋google map 嘅場地位置，最重要嘅係，佢仲send 咗一個 Hi 畀我。 我：Thank you, 啱啱參觀完 聖母百花大教堂。 Chiara：Good ! Enjoy ! 場地唔喺嗰面，你坐輕鐵啦，幾個站就到。 其實好想即刻再約Chiara出嚟，不過又好似好唐突。就算我叫做有恩於佢，都唔等於大家真係咁熟。轉頭喺會場見到佢嘅話可能都只係打個招呼，話晒佢其實係喺度做緊嘢嘅，我又唔係咩時裝界嘅人，點都唔方便黐到咁埋。我諗，陣間都係 當觀摩下fashion show 就算好喇。算啦，一面之緣，唔好諗太多。 Google map都建議我搭輕鐵去，但係由呢個位沿路行返去輕鐵站好似有啲遠，睇下有無邊條小路可以行得快啲先。 搵咗一陣，果然有條小路可以慳啲時間。 我跟住Google map嘅指示行，相信唔洗二十分鐘就到。 呢個時候， 一個黑影突然向我撲過嚟，我第一個反應以為係有人要搶我嘢，點知個黑影唔單止唔係搶嘢，仲夾住咗我隻右手手臂。 呢個夾住我手臂嘅人夾住我行咗幾步，就開口同我講嘢， 原來係一位意大利女士。 女士：我 畀人跟，請你幫我一下，快啲離開呢度。 同今朝喺火車遇到Chiara嘅時候一樣，我第一個反應都係 警剔呢個係有計劃嘅偷嘢把戲。佢貼都咁，可能已經可以偷到褲袋、衫袋嘅嘢。 呢個距離，我只可以留意到佢係一位短髮嘅女士。除此之外，我根本睇唔清楚佢個樣，唯有極力搵下佢嘅其他特徵，恐防之後 有啲咩事，我都可以有個線索。 如果如佢所講，佢係畀人跟，咁即係佢想同我假扮識得...唔係， 呢個女士嘅身體實質上已經緊貼住我嘅手臂，佢應該係要同我扮係情侶， 嚇走跟佢嘅人。的確，只有情侶先會以咁嘅方式貼住喺街上面行 。 由我而家嘅角度望向呢位女士， 我留意到佢嘅前臂有啲好似紅斑、紅點喺度。 我當然唔知係咩...
Read more

森の浪人去旅行 #4

森の浪人去旅行 #4 前言：希望已經睇緊故事嘅朋友多多留言，以及follow。唔該，想聽大家嘅意見。唔該。 雖然有得再見到Chiara，不過聽落好似有啲事咁。 我喺門口等咗一陣，一位意大利女士就向我嘅方向行過嚟。 呢位女士雖然無扎到馬尾，我都 認得返佢就係Chiara，因為佢已經換返今日我見到佢嘅時候嘅衣著。 本來可以再見到Chiara係開心嘅，但跟住佢一齊出嚟嘅竟然係一位男士。 第一眼，我以為佢係Chiara男朋友或者老公之類，出嚟打個招呼，再唔係就繼續想因為行李嘅事出嚟多謝下我。我就覺得唔洗喇，唔想見到你有男人啊。不過，佢哋畀我啲感覺唔係咁，最多只係同事。 Chiara：多謝你有影到我啊。 我：唔多謝啦，咁靚嘅衫，係人都想影低。 我唔知自己講緊乜。 Chiara又講：你影得好好啊。我想問， 可唔可以用張相畀我呢位同事做啲嘢啊？ 果然，佢哋只係同事。至於「做啲嘢」？睇嚟係想用我張相做啲可能係宣傳之類？唔會掛，我張相邊有咁巴閉啊。 對我嚟講，呢張相其實影得好差，如果佢地有用，我當然都無咩所為。 正當我打算開口答應嘅時候，呢位男士睇嚟有啲心急，驚我唔肯答應，於是搶先開口，伸手同我握手：我叫Mario。 我都禮貌回佢： 我叫Mori。 唉，呢個時候我先發現，我都未同Chiara介紹過自己。之前實在以為大家只係朋友都不如嘅關係，都無諗過會需要介紹自己。 Mario又講：我哋會有報酬畀返你嘅。 Mario隨即攞出 一張餐廳劵，講：呢間係呢度有名嘅餐廳，菜式比較地道，無咩遊客會去嘅，環境同食物都相當好，我哋fashion show嘅設計師都會去，或者 Chiara之後可以再介紹下。咁如果你答應畀我哋用你張相嘅話，不如就勉強收咗我哋小小心意 ， 等Chiara同你都可以去食個晚飯，休息下啦。 同Chiara食個晚飯？咁大個offer？我即刻想答應。 點知Chiara呢個時候好嬲咁插嘴：你 唔好答應佢住啊！ Chiara搶咗Mario嘅餐廳劵嚟睇，又話：呢間嘅話都算你有誠意。 又問我： 你有無時間食飯先？ 其實就算無，我呢個時候都會答：有啊。 Chiara：咁你feel good 嘅話就答應佢啦。 Mario見到Chiara嘅講法，擺明畀面色佢睇，特登要為難下佢。 我：其實都唔錯啊，咁好啦，多謝你嘅offer。 我仲以為Chiara轉身就會要咗張餐廳劵，點知Chiara對男士講：...
Read more

森の浪人去旅行 #3

森の浪人去旅行 #3 前言：希望已經睇緊故事嘅朋友多多留言，以及follow。唔該，想聽大家嘅意見。唔該。 我畀Tania𡃶咗一啖，回神過嚟嘅時候輕鐵已經開咗車。 雖然我本來就係諗住要搭輕鐵嘅，但係其實我仲未攪清楚自己要搭邊條線、邊個方向、去邊個站、搭幾耐，突然間畀Tania夾咗上車，完全唔知自己而家到底去緊邊。 我即刻check下手機，於是又過咗一個站。 到我可以確定到自己嘅位置，同埋要點樣先可以去到Chiara嘅fashion show會場嘅時候，我先發現原來我根本就係要喺Tania 落車嗰個站落車就可以去到fashion show會場。 咁即係話，早知頭先同Tania一齊落埋車啦，如果係咁或者可以同Tania仲有少少下文。 不過我又諗，就同Chiara一樣，大家其實唔係咁熟，都係自己諗多咗。去旅行有時就係有好多呢啲Fantasy出現，真係要小心啲先得。事實係，只係我去緊旅行，對於Chiara同Tania嚟講，今日都只係平日。我做多咗，只會柒出宇宙。 我落咗車，去返對面月台搭返回頭車返去。返到去Tania落車嗰個站嘅時候，當然已經唔見Tania，唯有繼續摸去fashion show會場嘅路。 會場嘅路其實唔算難搵，只係路程比較遠，行咗二十分鐘就喺一幢古建築外場見到fashion show 嘅banner，再行過兩步就已經係入口。 E-ticket 果然令我可以直入會場。 入到會場，燈光較暗，最光亮嘅燈都只係為咗照住會場中間仍然空洞嘅Fashion show天橋。呢種場景，就算無嚟過fashion show現場嘅人，相信都可以喺電視或者其他媒體上面見過，一啲都唔陌生。 當然，現場人士走來走去，又交頭接耳，令人想像一陣嘅fashion show 開始之後，場面一定好壯觀。 我一個Fashion嘅門外漢入到嚟會場，一個人都唔識，實在係有啲尷尬。我極力嘗識搵下見唔見Chiara，不過都無發現。有好幾次見到幾個女士，差啲誤會咗係佢。無錯，其實我見Chiara嘅時間都唔係咁耐，腦海淨係記住佢馬尾嘅髮型，以及極吸引嘅身材，當然仲有佢緊貼我膊頭嘅一下，但喺眼前微弱嘅燈光之下，會場大量意大利女士，實在令我認唔到邊個先係Chiara，我甚至認為我已經唔記得佢係咩樣。再加上頭先又畀Tania，呢個另一位靚女洗咗我嘅記憶，我諗我都係必需要放棄喺度可以認出Chiara嘅諗法。 真係希望...
Read more